الیکشن منصفانہ ہے ،ہار گیا تو شکست تسلیم کروں گا: ڈونلڈ ٹرمپ

فلاڈیلفیا )امریکی صدارتی امیدوار ڈونلڈ ٹرمپ کا کہنا ہے کہ الیکشن منصفانہ ہے۔ ہارگیا تو شکست تسلیم کروں گا۔

ریبپلکن پارٹی کے امیدوار ڈونلڈ ٹرمپ نے فلوریڈا میں ووٹ ڈالنے کے بعد میڈیا سے گفتگو میں کہا کہ تینوں الیکشنز میں ہماری حالیہ انتخاب کی مہم سب سے اچھی رہی۔ خود کو بہت پراعتماد محسوس کررہا ہوں۔ ہم اچھے جارہے ہیں۔

ٹرمپ کا مزید کہنا تھا کہ میرے خیال میں اب تک الیکشن منصفانہ ہے۔ ہار گیا تو تسلیم کرنے والا پہلا شخص ہوں گا۔ ڈیموکریٹ صدارتی امیدوار کملا ہیرس بذریعہ ڈاک اپنا ووٹ پہلے ہی ڈال چکی ہیں۔

امریکا میں صدارتی امیدوار کو جیت کیلئے کم از کم 270 الیکٹورل ووٹ درکار ہوتے ہیں۔