سینیٹ میں ٹرمپ کی ری پبلکن کو اکثریت حاصل ہو گئی

واشنگٹن)امریکی صدارتی انتخابات میں سینیٹ میں ری پبلکن کو اکثریت حاصل ہو گئی ۔

نجی ٹی وی چینل جیو نیوز کے مطابق سینیٹ میں ری پبلکن کی 51اور ڈیموکریٹس کی 43نشستیں ہو گئیں۔100رکنی سینیٹ میں اکثریت کیلئے 51نشستیں درکار ہیں۔

یاد رہے کہ امریکی صدارتی انتخابات کے نتائج آنےکا سلسلہ جاری ہے، 538میں سے ٹرمپ کے 232اور کملا ہیرس کے 216الیکٹورل ووٹ ہیں،کسی بھی امیدوار کو جیتنے کیلئے 270الیکٹورل ووٹ درکار ہیں،ایوان نمائندگان میں ری پبلکن 168اور ڈیموکریٹس 119نشستوں پر کامیاب ہو گئے ہیں،435رکنی ایوان نمائندگان میں اکثریت کیلئے 218نشستیں درکار ہیں۔