واشنگٹن) امریکی صدارتی انتخابات کے نتائج آنے کا سلسلہ جاری ہے،ابتک کے نتائج کے مطابق ری پبلکن کے صدارتی امیدوار ڈونلڈ ٹرمپ کو برتری حاصل ہے جبکہ ڈیموکریٹس کی کملا ہیرس پیچھے ہیں۔
تفصیلات کے مطابق امریکی صدرکا انتخاب جیتنے کیلئے 538میں سے 270الیکٹورل ووٹ درکار ہیں،ڈونلڈٹرمپ 248 جبکہ کملا ہیرس نے 216الیکٹورل ووٹ حاصل کرلئے،ڈونلڈٹرمپ کو صدر بننے کیلئے 22الیکٹورل ووٹ درکار ہیں۔
ادھر سینیٹ میں ری پبلکن کو 51نشستوں کے ساتھ برتری حاصل ہو گئی ہے جبکہ ڈیموکریٹس کی 43نشستیں ہیں،ایوان نمائندگان میں ری پبلکن نے 182جبکہ ڈیموکریٹس نے 150نشستوں پرکامیابی سمیٹی۔