اسلام آباد(ڈیلی پاکستان آن لائن)بانی پی ٹی آئی عمران خان کی ممکنہ ملٹری ٹرائل روکنے کی درخواست پر اعتراضات عائدکر دیئے۔
نجی ٹی وی چینل جیو نیوز کے مطابق اسلام آباد ہائیکورٹ کے رجسٹرار آفس نے بانی پی ٹی آئی کی درخواست پر اعتراضات عائد کئے،اعتراض میں کہا گیا ہے کہ کسی مخصوص ایف آئی آر کا حوالہ دیئے بغیرعومی ریلیف کیسے مانگا جا سکتا ہے؟
درخواست کے ساتھ کوئی آرڈر یا دستاویز بھی لگائی گئی،رجسٹرار آفس کاکہنا ہے کہ پنجاب کے مقدمات پر اسلام آباد ہائیکورٹ میں درخواست کیسے دائر ہو سکتی ہے؟ملٹری کورٹس کا معاملہ سپریم کورٹ میں زیرالتوا ہوتے ہوئے ہائیکورٹ میں درخواست کیسے دائر ہو سکتی ہے؟۔